Ինչո՞ւ են շները հարձակվում
- sollucett
- Jul 9, 2022
- 1 min read
Updated: Oct 19, 2022
Բազմաթիվ դեպքեր են հայտնի, որոնք ցույց են տալիս շների հավատարմությունը իրենց տերերի նկատմամբ։ Շունն այն կենդանին է, որը սիրում է իր տիրոջն ավելի, քան ինքն իրեն և պատրաստ է անգամ իր կյանքը զոհաբերել հանուն նրա։ Բայց շներն էլ մարդկանց նման ունեն զգացմունքներ և ամենակարևորը՝ ինքնապահպանության բնազդ։ Հաճախ մարդիկ անպատասխանատու քայլեր են անում․ սիրում են հալածել և տանջել դիմացինին, մնալ անպատիժ։ Նրանցից շատերը այդպես են վերաբերվում նաև անմեղ շների հետ։ Բազում շներ ենթարկվում են ծաղրանքների և տանջանքների մարդկանց կողմից և ամեն մի այդպիսի արարք շան մեջ առաջացնում է նենգություն և ագրեսիա մարդկանց նկատմամբ։
Որոշ շներ կարող են հարձակվել ձեզ վրա, որովհետև նմանեցրել են ձեզ այն մարդկանց, ովքեր վնասել են իրեն, տանջել, ծաղրել կամ վախեցրել են և դուք կարող եք տուժել ոչ թե այդ շան, այլ շան նկատմամբ ագրեսիվ գործողություններ կատարած մարդկանց պատճառով: Մի՛ մեղադրեք շներին, մեղադրեք այն մարդկանց, ովքեր հաճույք են ստանում դիմացինին տանջելուց և տանջամահ անելուց։ Անհրաժեշտ է պայքարել ոչ թե այդ շների, այլ նման մարդկանց դեմ։ Այդ մարդիկ պետք է վերջապես հասկանան, որ շունը նույնպես Աստծո ստեղծած էակ է և միշտ պետք է հիշել՝ շունը մարդ չէ, որ հարձակվի առանց պատճառի։
Comments