Երևանի քաղաքապետ Հրաչյա Սարգսյանին,

Բնապահպանության վարչության պետ Գևորգ Նազարյանին, 

«Թափառող կենդանիների վնասազերծման կենտրոն» ՀՈԱԿ-ի տնօրենի ժ/պ Արմեն Բեգոյանին,

 

Համագործակցության առաջարկ

«Քաղաքը կենդանիների համար»  ծրագիրը բակերում ապրող կենդանիներին փողոցային պայմաններում կամավորների օգնությամբ նվազագույն անհրաժեշտ խնամքի ապահովմամբ պահելու հնարավորություն է։ 

Միջազգային փորձի ուսումնասիրությունը ցույց է տալիս, որ, մի ​​կողմից, նմանօրինակներ չկան, իսկ մյուս կողմից՝ նմանատիպ փորձ իրականացվել է Շրի Լանկայում՝ մի ամերիկյան կազմակերպության հովանավորությամբ։ Ինչ-որ չափով, շատ հետաքրքիր հատվածներ իրականացվում են, օրինակ Հարավային Եվրոպայի որոշ քաղաքներում և անգամ Թուրքիայում: Մենք կարող ենք գոնե Թուրքիայից հետ չընկնել, նույնիսկ առաջարկել ավելի հետաքրքիր նախագծեր: Դա շատ մեծ նշանակություն կարող է ունենալ ՀՀ-ի կենդանասեր հանրության համար, որն այս պահին կազմում է մոտավորապես 100 000 քաղաքացի:  Նախագիծը պայմանականորեն անվանենք  «քաղաքը նաև կենդանիների համար»։ Սա այնպիսի նախագիծ է, որը ենթադրում է բակերում թափառող կենդանիներին պահող կամավորների յուրօրինակ  ցանց, որը սփռված է բակերում և պուրակներում, որտեղ ապրում են թափառող կատուներ և շներ (բներ, հարմարեցված տարածքներ, երբեմն ցանկապատված, կամ՝ ոչ, նկուղներ կամ տանիքներ/վերնահարկեր, լքված շինություններ, որոնք առավելագույն կերպով մոտ են բնական պայմաններին, որոնք այնուամենայնիվ  ադապտացվում են թափառող կենդանիների կարիքներին՝ տեղի կամավորների օգնությամբ: Փաստորեն, կարիք չկա գումար ծախսել հատուկ շինությունների, սպասարկման, մաքրման, կերակրման, բուժման, նույնիսկ աշխատողների աշխատավարձերի վրա. այս ամենը կամավորները կկատարեն տեղում և կամավոր, կամ այլ հովանավորների հաշվին։ Միակ բանը, որ կպահանջվի քաղաքապետարանից, հիմնական ընթացակարգի օրինական գրանցումն է։ Կամավորները պետք է հստակ համաձայնություն ունենան փոխադարձ իրավունքների և պարտավորությունների վերաբերյալ, որը կամրագրվի համաձայնագրով/պայմանագրով։ Ծրագիրը կարող է իրականացվել հատվածաբար, այսինքն  այն բակերում, որտեղ կլինի դրա կարիքը և հնարավորությունը.  այսինքն որտեղ կլինեն կամավորներ, ովքեր կցանկանան ներգրավվել նման նախագծում: Բայց միևնույն ժամանակ այն ի սկզբանե կարող է կենտրոնացվել քաղաքապետարանում։ Նույնիսկ ՀՈԱԿ-ում ը կարող է կենտրոնացվել տեսահսկման համակարգ:

 «Արևը բոլորինն է» էկոսոցիալական ՀԿ-ն իրականացնում է «Բակ-համայնք-էկոհամակարգ» ծրագիրը, որի շրջանակներում նախատեսվում է ստեղծել բակերում թափառող կենդանիների խնամքով զբաղվող կամավորների ցանց. կազմակերպել բակերի կամավորներին, ձևավորել թափառող և/կամ բակային կենդանիների հանդեպ խնամքի համայնքային մշակույթ և համայնքային էկոհամակարգ: Ծրագրի թիրախներից են պիլոտային մի շարք բակերում կենդանիներին խնամող կամավորները, ում հետ աշխատում ենք ծրագրի ընթացքում: 

Ծրագրի արդյունքները կարող են ստեղծել հնարավորություն՝ նմանատիպ ծրագրեր իրականացնել Երևանի բակերում քաղաքապետարանի աջակցությամբ: Պիլոտային բակերում ծրագրի ներդնումը կօգնի  բացահայտել հնարավոր մարտահրավերները, առավել արդյունավետ ծախսել առկա ռեսուրսները, ճշգրտել աշխատանքային համագորածակցության շրջանակները քաղաքային իշխանությունների հետ մինչև այն հնարավոր լինի կիրառելի դարձնել ամբողջ քաղաքում: 

Մեր առաջարկությունների առանձնահատկությունն այն է, որ այն ոչ միայն հնարավորություն է տալիս ստեղծել կամավորական ցանցային կառույցներ բակերում, այլ նաև նախատեսում է խնդրի «բյուջետային» լուծում, ի լրումն քաղաքում գործարկված ստերջացման ծրագրի, այն է՝ օգնել քաղաքապետարանին, օգնել ՀՈԱԿ-ին թափառող կենդանիների խնդիրը լուծելուն, համագործակցության շրջանակներ սահմանելու միջոցով:

Մեր կազմակերպությունը մի շարք պիլոտային բակերում փորձում է իրականացնել այն, ինչ մենք հետագայում առաջարկում ենք  քաղաքապետարանին իրականացնել ամբողջ քաղաքում: Բայց արդեն պիլոտային բակերում անհրաժեշտ կլինի քաղաքապետարանի աջակցությունը՝ շների և կատուների համար տնակներ կառուցելու, տեսահսկման համակարգ տեղադրելու, այս բակերում կամավորական ցանցի գրանցման, դրանց ստեղծման ընթացակարգի ներդրման, բնակչությանը իրազեկելու  և այլ հարցերում։

Դիմում ենք խնդրանքով քաղաքապետարանին՝ ի դեմս ՀՈԱԿ-ի

1. Իրազեկել համատիրության նախագահին և շենքերի լիազորներին (ցանկալի է՝ գրավոր), որպեսզի հնարավորությունների սահմաններում աջակցեն  կամ գոնե չխոչընդոտեն ծրագրի իրականացմանը: 

2. Չխոչընդոտել կամավորների կողմից թափառող կենդանիների համար խնամքի միջոցառումների ապահովմանը,

3. Բակային տարածքների հարմարեցում, նկուղների օդափոխիչ պատուհանների ճաղավանդակների չափերի հարմարեցում կատուների համար անցնելու պայմանով (որպես օրինակ կարելի է դիտարկել Մոսկվայի դեպքը նույն խնդրի վերաբերյալ․ տես օրինակ՝ https://www.asi.org.ru/news/2020/09/10/moskva-na-storone-koshek/?fbclid=IwAR2MufYYX7YXpFfSFJCj7Z3nKUhVePH9RWi4jFQ7p_3C61R1X9gCbZpcrJY ):

4․ Նախատեսել կամավորների գրանցման ընթացակարգ, որը թույլ կտա քարտեզագրել տարբեր տարածքներում բնակվող կամավորներին, նրանց հետ ապահովել հաղորդակցում, անհրաժեշտության դեպքում տեղեկատվության փոխանակում։ 

 

Շնորհակալություն համագործակցության համար:

 

Հարգանքներով,

Լալա Պողոսյան

 «Արեվը բոլորինն է» սոցիոէկոլոգիական ՀԿ Նախագահ,

ՀՀ, քաղաք Երևան, 0070, Քաջազնունու փողոց 4Ա, բնակարան 21

Հեռ.՝  (+374 93) 937673

Էլ-փոստ՝ l_365@mail.ru